Room in a shared flat

Hei es isch knappi 13qm aso es isch nöd sgrösste aber au nöd s‘chlinste, es isch es ostsüd Zimmer aso gseh au bizli id Berge abe und Sunne schint de amels is Bett. s‘Zimmer het zwei Türe, 1 zum gang und 1 is Esszimmer. Momentan isch es no vo mim Mitbewohner ihgrichtet aber natürli isch es den unmobiliert wenn du würsch cho:) Ja viel meh gits gahr nöd zu dem zverzehle luegsch eifach Bilder ah. ps: het ä boulderhalle 5min äweg falls das gern machsch Aso i bin relativ offe wär chunt solang das de Vibe stimmt. Du chasch vollzit da wohne aber du chasch au en Wucheufenthalter/in sie wo 1-3 täg da isch den wird dementsprechend Mieti ahpasst. Ich sueche eig öper wo ähnlicht dickt wie ich aber da beschribe den eis unedra, was mir sehr wichtig isch , isch suberkeit aso vorallem ablageflächi i de chuchi, wenn mal es dreckige teller über d‘nacht det staht will en strenge tag gha hesch rissi der nöd de chopf ab aber wasi gahr nöd gern han sind brösmeli und gmüesreste uf de ablage flächi. Ich han kein putzplan oder so, mir chönd eus abspreche oder wenn was stört eifach kommuniziere und zemme putze:) Was mir no relativ wichtig isch das du vegetarisch bisch da ich de Gruch vo fleisch im küehlschrank überhaupt nöd chan ha. wenn du be familieesse oder uswärts Fleisch issisch isch mer das völlig egal aber ich will eifach das nöd i de wohnig, Kiffer auch nicht erlaubt usert du bisch mal en glegeheits smoker wo mal eis räuchlet aber de Gruch i de wohnig wetti nöd ha. Ähm will wohnig scho relativ ihgrichtet isch wärs sicher vo vorteil wenn du eifach sache mitnimsch für dis neue Zimmer. Aso min Name isch Arion ich bin 28 und sueche ä neue WG partner/in. Ich verzell eifach chli vo mir denn chunsch es Bild über:) Aso ich bin Landschaftsgärtner als Bruef und schafe in züri 100% aso bin oft erst ab de 17:00 dihei. Mir isch sport mega wichtig aso ich gah viel go jogge, calistehnics, bizli yoga, skate, snowboard, bouldere und sust bini oft mit mim büsli unterwegs i de berge am wandere oder fahre as meer zum surfe. In jona hets 1-2 cooli bars woni amels mit de friends uf es bierli gah oder mir gönd an see uf es pingpong. Zu mine friends, die wohnet im 1 Stock unedra und darum gits i eusem garte wo es au öpfel, birre, fige und sust sache het, amels ä grillade und paar bierli wo du sehr sehr gern willkomme bisch. Au wenn du öpis wetsch im garte mache chasch du das mit absprach sehr gern mache. Zu mir minere persöndlichkeit Ich bin vom typ mensch sehr locker druf aber ha au mini phasene woni mega still bin und eifach nöd mag rede woni au mini kopfhörer druf han oder wenni mega energie glade bin woni wie es chlises chind i de gegend umerenne. Was mir no wichtig isch, ich stah relativ früeh uf und das heist ich gah meistens am 22-23 go schlafe und falls du friends mitnimsch das die nöd ewigs da sind wills au relativ ä ringhörigi wohnig isch. Alli andere WG detail sache chamer gern bemene treffe chli drüber quatsche, wür mich freue dich kennezlerne:)